நீ... நான்... உடையும் அதிகாரம்

அன்பே
வானின் நீலமாய் நீயும்
பூமியின் சிவப்பாய் நானும்
சேர்கையில் மெய்யாகிறது தொடுவானம்
தொலைகிறது நீ நான் என்னும் அதிகாரம்

சூரியனாய் நீ எழுகையில்
விடியலாய் நான் மலர்கிறேன்
தூரிகையாய் எனை வடித்து
ஓவிமாகிறாய் நீ

இசை நானாக இன்பமாய் நீ
நதி நீயாக ஓட்டமாய் நான்
அலையென மாறி 

உன் பாதங்களை முத்தமிட ஓடி வருகிறேன்
சிப்பியாய் ஓடி ஒளிகிறாய்

உன்னில் நான் ஆவியாக
தென்றலும் மழையும் ஆனோம்
யாப்பும் இலக்கணமும் ஆகி
பாடலும் வரியுமாய் இசைந்தோம்

காதல் நானாக சாரம் நீயாக
காமம் நானாக லீலை நீயாக
இரவு பகலை விழுங்க
முடியாத தேடலில் நம் காதல்

#காதல்