தலித்தியம், மார்க்சியம் - சில கேள்விகள்

சாதியப் பிரச்சினைக்கான தீர்வு: புத்தர் போதாது! அம்பேத்கரும் போதாது! மார்க்ஸ் அவசியத் தேவை என்னும் நூல் வெளிவந்ததை ஒட்டி வந்த ‘வசைகளுக்கு’ எதிர்வினையாக கொண்டுவரப்பட்ட நூல் சாதியப் பிரச்சினையும் மார்க்சியமும்: தொடரும் விவாதம்…. அந்நூலின் இறுதியில் பின் வரும் கேள்விகள் கொடுக்கப்பட்டுள்ளன.

வாசகர்களுக்கான கேள்விகள்

‘ஆய்வுபூர்வமான’, ‘அரசியல்பூர்வமான’ விமர்சனங்கள் வந்துகொண்டிருக்கும் இச்சூழலில், எந்த தாக்கங்களுக்கும் ஆளாகாமல் வாசகர்கள் ரங்கநாயகம்மாவின் சாதியப் பிரச்சினைக்கான தீர்வு… நூல் மட்டுமல்லாது அம்பேத்கர் பற்றிய விமர்சனத்திற்கான தேவையையும், அது முன்வைக்கும் கேள்விகளையும் / விமர்சனங்களையும் புரிந்துகொள்ள அல்லது சீர்தூக்கிப் பார்க்க பின்வரும் கேள்விகள் உதவலாம். அரசியல் பாதை மற்றும் தத்துவார்த்த புரிதல் குறித்த மறுவாசிப்பை, மறுஆய்வைக் கோருவதாகவும் இது அமையலாம்.

1. அம்பேத்கரியம் என்றால் என்ன? அதன் உருவாக்கம் மற்றும் வரலாற்று வளர்ச்சி எத்தகையது?

2. அம்பேத்கர் முன் வைத்த சாதி ஒழிப்புத் திட்டங்கள் யாவை?அத்திட்டங்களினால் சாதி ஒழிப்பு போராட்டம் அடைந்துள்ள முன்னேற்றம் என்ன?

4. அம்பேத்கர் முன்வைத்த சாதி ஒழிப்புத் திட்டங்கள் அனைத்தும் விஞ்ஞானப்பூர்வமானதா? நடைமுறையில் சாதியை ஒழிக்கக்கூடியதா?

5. இடஒதுக்கீடின் வரையறை குறித்து அம்பேத்கர் ஏதேனும் கூறியிருக்கிறாரா? நடைமுறையில் இடஒதுக்கீட்டைப் பகிர்ந்துகொள்வதில் தலித்துகள் மத்தியில் ஒற்றுமை நிலவுகிறதா?

6. சாதியின் தோற்றம் மற்றும் வளர்ச்சி குறித்த அம்பேத்கரின் ஆய்வுகளில் முரண்கள் ஏதேனும் இருக்கிறதா? சாதியின் தோற்றத்தை முழுமையாக அவர் நிறுவுகிறாரா?

7.  அம்பேத்கர் முன் வைத்த புத்தர் எத்தகையவர்? அவர் முன் வைத்த பௌத்தம் எத்தகையது?

8.  அம்பேத்கர் பௌத்தத்திற்கு மாறியதால் சாதி ஒழிப்பு போராட்டம் அடைந்த முன்னேற்றம் என்ன?

9. மீதமுள்ள தலித்துகளும் பௌத்தத்திற்கு மாறிவிட்டால் சாதி ஒழிந்துவிடுமா? அவர்களின் பொருளாதார வளர்ச்சிக்கும், சமூக முன்னேற்றத்திற்கும் அது எந்த வகையில் உதவும்?

10. அம்பேத்கரின் உலகக் கண்ணோட்டம் எத்தகையது? அவரது பொருளாதார கண்ணோட்டம் எத்தகையது?

11. சுதந்திரப் போராட்ட காலத்தில் தேசிய இயக்கப் போராட்டங்களின் போது பிரிட்டிஷ் ஏகாதிபத்திய அரசின் இருப்பு, ஆதிக்கம் குறித்த அம்பேத்கரின் அணுகுமுறை எத்தகையது? அதில் நிறை குறைகள் ஏதேனும் உள்ளதா? தலித்துகளை புரட்சிகரமாக ஒருங்கிணைப்பதில் அப்போது அதன் முக்கியத்துவம் என்ன?

12. தெலுங்கானா போராட்டம், தெபாகா எழுச்சி போன்று நாடெங்கும் நடந்த வர்க்கப் போராட்டம் குறித்த அம்பேத்கரின் கருத்து யாது?

13. அப்போராட்டங்கள் என்னவிதமான கோரிக்கைகளை, தீர்வுகளைக் கோருபவையாக இருந்தன? அதனையொட்டிய அதுபோன்ற வர்க்கப் போராட்டங்களின் அவசியம் குறித்த அம்பேத்கரின் பார்வை யாது?

14. வர்க்கப் போராட்டங்களுக்கு காரணமாக இருக்கும் பிரச்சினைகளைத் தீர்க்க அம்பேத்கரின் திட்டங்கள் யாது? அதன் நிறை குறைகள் யாவை?

15.  சாதி பற்றிய அம்பேத்கரது ஆய்வுகள் முற்றிலும் சரியானதா? (தலித்துகள் மற்றும்) தலித்துகள் அல்லாத மற்ற உழைக்கும் வர்க்கங்கள் மீதான அரசியல் பொருளாதார ஒடுக்குமுறைக்கு அம்பேத்கரிடம் தீர்வு உள்ளதா? பாலினப் பாகுபாடு உள்ளிட்ட மற்ற பாகுபாடுகளைக் களைந்திட அப்பொருளாதார திட்டங்கள் உதவக்கூடியதா?

16. வாடகை, வரி, வட்டி, உழைப்புச் சுரண்டல், அரசு, இராணுவம், நீதித்துறை பற்றிய அம்பேத்கரின் புரிதல் எத்தகையது? அதன் சாதக பாதகங்கள் யாவை?

17.  காங்கிரஸ் எதிர்ப்பு அதன் பின்னரான இணைப்பு – இதனால் ஏற்பட்ட நன்மை தீமை அல்லது முரண்பாடு விமர்சனத்திற்கு உரியதா இல்லையா?

18.  அம்பேத்கர் முன்வைத்தது சோஷலிசம்தானா? அதை நடைமுறைப்படுத்த முடியுமா? அதன் நிறை குறை யாது?

19.  மார்க்சியம் – கம்யூனிசம் – பாட்டாளி வர்க்க சர்வாதிகாரம் குறித்த அம்பேத்கரின் புரிதல் சரியானதா?

20. அம்பேத்கர் கார்ல் மார்க்ஸை அல்லது மார்க்சிய மூல நூல்களை படித்ததற்கான சான்றுகளை அவரது எழுத்துக்களில்,ஆய்வுகளில் காணமுடிகிறதா?

21.  மார்க்சியம் – கம்யூனிசம் – பாட்டாளி வர்க்க சர்வாதிகாரம் வன்முறை நிறைந்ததா?

22. பணம், மதிப்பு, உழைப்பு, உழைப்புப் பிரிவினை, உற்பத்தி முறைகள், உற்பத்தி உறவுகள், உற்பத்திச் சக்திகள், தனியுடைமை (சொத்துறவு) குறித்து பொருளாதார அறிஞரான அம்பேத்கர் அவர்களின் பார்வை என்ன?

23. மதம் மக்களுக்கு அவசியமா? மதம் மற்றும் ஆன்மீகம் குறித்த மார்க்சியக் கண்ணோட்டம் என்ன? மார்க்சியம் முற்றிலுமாக மதம் / ஆன்மீகத்தை மறுக்கிறது என்று சொல்லப்படுவது உண்மையா?

24.  கம்யூனிஸ்ட் மற்றும் இதர புரட்சிகர கட்சிகளின் சமூக-அரசியல்-பொருளாதார திட்டங்களுக்கும் அம்பேத்கரின் திட்டங்களுக்கும் உள்ள வேறுபாடு என்ன? தத்துவார்த்த அடிப்படையில் எந்தத் தத்துவம் எந்த வர்க்கத்தின் பிரதிநிதியாக இருக்கிறது?

25. மார்க்சியம் பற்றிய எதிர்மறைக் கருத்து கொண்டிருந்தாலும் அம்பேத்கரியம் (அம்பேத்கர் அல்ல) என்று சொல்லப்படும் ஒன்றை இணைக்கச் சொல்லும் தேவை (சில) மார்க்சிய அமைப்புகளுக்கும், நபர்களுக்கும் ஏன் எழுகிறது.

26. இணைப்பு என்றால் அது எத்தகைய இணைப்பு? நடைமுறை சார்ந்த ஒருங்கினைப்பின் அவசியத்தை இங்கு யாரும் மறுக்கவில்லை, ஆனால் தத்துவார்த்த அடிப்படையில் அம்பேத்கரியர்கள் மார்க்சியத்தை ஏற்றுக்கொள்கிறார்களா? ஏற்றுக்கொள்ளும் பட்சத்தில் சாதி ஒழிப்பு மற்றும் வர்க்கப் போராட்ட ஒருங்கிணைப்பில் அது எவ்வகை செயல்திட்டங்களை உள்ளடக்கியதாக இருக்கும்?

மேற்சொன்ன ஆய்விற்குப் பயன்படக்கூடிய சில நூல்கள்:

1.  அரசியல் பொருளாதார விமர்சனத்திற்கு ஓர் பங்களிப்பு

2.  கம்யூனிஸ்ட் கட்சி அறிக்கை

3.  மார்க்ஸ் எங்கெல்ஸ் தேர்வு நூல்கள்

4.  அரசும் புரட்சியும், லெனின்

5.  குடும்பம், அரசு, தனிச்சொத்து ஆகியவற்றின் தோற்றம், எங்கெல்ஸ்

6.  அம்பேத்கர் நூற் தொகுதிகள்

7. அறிவியல் தத்துவம் சமுதாயம்.- தேவிபிரசாத் சட்டோபாத்யாயா, தமிழில் அ. குமரேசன், அலைகள் வெளிட்டகம்.

8. சாதியும் வர்க்கமும், தொகுப்பு: இல. கோவிந்தசாமி, அலைகள் வெளியீட்டகம்.

9.தமிழ்நாட்டில் சாதி சமத்துவப் போராட்டக் கருத்துக்கள், பேரா. ந. வானமாமலை, பாரதி புத்தகாலயம்.

10.  சாதியம், முனைவர் கோ. கேசவன், சரவணபாலு பதிப்பகம்.

11. அம்பேத்கரும் சாதி ஒழிப்பும், முனைவர் கோ. கேசவன்,

12. அம்பேத்கர் ஓர் ஆராய்வு, W.N. குபேர், தமிழாக்கம் சே. கோச்சடை, இராஜாராம், சரவணபாலு பதிப்பகம்.

13.  அம்பேத்கரை முன்வைத்து, மு.ரா. முருகன், செம்மை வெளியீடு.

14.  மார்க்சியப் பார்வையில் அம்பேத்கர், பி.பி. சான்ஸ்கிரி, பாரதி புத்தகாலயம்

15.  விடியலுக்கான இந்தியப் பாதை 101 கேள்விகள், சரத் சந்திரா, பாரதி புத்தகாலயம்.

16. https://www.marxists.org/tamil/marx/1886/feuerbach.htm, மற்றும் இதில் உள்ள மார்க்ஸ், எங்கெல்ஸின் இதர கட்டுரைகள்.

17.  ஆனந்த் டெல்டும்டே நூல்கள்.

18.  கோசாம்பி, சட்டோபாத்யாயா, ஆர்.எஸ். ஷர்மா ஆகியோரின் நூல்கள்.

19.  சாதி ஓர் கண்டுபிடிப்பு, முனைவர் வெ. கண்ணுப்பிள்ளை, வளரும் சமுதாயப் பதிப்பகம்.

20.  விநோத் மிஸ்ரா படைப்புகள், தீப்பொறி வெளியீடு.

21. மௌரியருக்குப் பிற்பட்ட குப்தர் கால வருவாய் அமைப்பு முறை, டி.என்.ஜா,  

      நியூ செஞ்சுரி புக் ஹவுஸ் (பி)லிட்

22. அருந்ததியர் உள் இட ஒதுக்கீடு நீதியும் அநீதியும், அரங்ககுணசேகரன்.

23. அருந்ததியர் உள் ஒதுக்கீடு- மதிவாணன்.கருப்புப் பிரதிகள்

24. Caste and Class: A Marxist  Viewpoint A Collection of polemical Articles,

 Ranganayakamma, Rahul foundation.

25. Caste Question and Marxism, arvind memorial trust

(பட்டியல்முழுமையானதல்ல)